यातायात व्यवस्थापनको कार्य गर्नका लागि वि.सं. २०४१ मा यातायात व्यवस्था विभागको स्थापना भएको हो । यातायात व्यवस्था कार्यालय, लहान, सिरहा देश संघीय संरचना जानुभन्दा पहिला यातायात व्यवस्था सगरमाथा अञ्चल कार्यालय रहि करिब ६ वटा जिल्लाकै कार्यक्षेत्रमा सेवा प्रवाह गर्दै आएको थियो । वर्तमान संविधानको संवैधानिक व्यवस्था बमोजिम यातायात क्षेत्रको व्यवस्थापकीय ‍भूमिका प्रदेश मातहत स्थानान्तरण भए मुताविक हाल देश भित्रका यातायात व्यवस्था कार्यालयहरु प्रदेश सरकार मातहत रहि प्रदेश सरकारको खटनपटन बमोजिम सवारी चालक अनुमति पत्र वितरण, कर दस्तुर संकलन लगायत यातायात क्षेत्र सम्बद्व अधिकांश व्यवस्थापकीय कार्यहरु भइरहेका छन् । हाल मधेश प्रदेश सरकार, श्रम तथा यातायात मन्त्रालय, जनकपुरधाम धनुषाको मातहतमा कानूनी रुपमा कार्य सम्पादन हुँदै आएको छ । सवारी तथा यातायात व्यवस्था ऐन, २०४९, सवारी तथा यातायात व्यवस्था नियमावली, २०५४ र मधेश प्रदेश सवारी तथा यातायात व्यवस्था ऐन, २०८१ को नीतिगत व्यवस्था वमोजिम मानिसको आवागमन र वस्तुहरुको ओसारपोसारको लागि सुरक्षित, भरपर्दो र सुलभ यातायात सेवा उपलब्ध गराउनु यस कार्यालयहको मुख्य उद्देश्य रहेको छ ।